Тарбағатай ауданы ауданаралық ауруханасында 2019 жылдың 07 сәуірінде болатын Дүниежүзілік денсаулық күніне орай 02 сәуір күні ашық есік күні ұйымдастырылды. емхана қызметкерлері бір жерден қызмет көрсетуге көшті. Келген адамдардың әрқайсысы өз денсаулығы туралы мәлімет, арнайы мамандардан кеңес беру диагностикалық кеңес алды және қаралып шықты. Сонымен қатар саламатты өмір салты туралы ақпараттық-білім беру материалдары таратылды .
Саулығын ойлап, тегін тексеруден өтуге асыққандардың қарасы көп, Басым бөлігі қанының тобын анықтап, бойы мен салмағын өлшетіп, психологтан кеңес алды.
Дүниежүзілік денсаулық күнін мақсаты: халықты депрессия туралы ақпаратпен ақпараттандыру, өзін-өзі өлтіруді қоса, болуы мүмкін зардаптардың себептерді, сонымен бірге депрессияны өз мезгілінде алдын-алу және емдеу.
Аурухананың Мәжіліс залында 03 сәуір күні таңертең қызметкерлер үшін «Депрессия: кел, сөйлесейік» тақырыбына семинар өткізілді.
Психолог Г.Б Турсынханова аурухана қызметкерлері үшін келесі тақырыптарды ашты: 1. « Депрессия» дегеніміз не?; 2. Ол ненің себептерінен пайда болады; 3. Бүкіл әлем бойынша депрессиядан қанша адам зардап көріп жүр , яғни оны емдеуге болады;
Семинардың соңында Бас дәрігер К.С Өскенбаев Бүгінгі күннің ең басты мәселесі жастарға салауатты өмір салтын қалыптастыруды үйрету, Дұрыс тамақтанбау, зиянды әдеттерге әуес болу, стрестік жағдайларды дұрыс өткізу, жұмыс, демалыс уақыттарын дұрыс пайдалана білу - осының барлығы өмірдің қысқаруына, ауруға әкеп соғады, осындай мәселелердің денсаулыққа әсер ететінін біліп, салауатты өмір сүретін болса, көп жағдайлардан аулақ қылады.Сондықтан медициналық көмек көрсетумен қоса салауатты өмір салтын насихаттау ,халыққа «ауырып ем іздегенше ауырмайтын жол іздеу» керек екенін түсіндіру медициналық қызметкерлердің басты міндеті деді.
